Obxetivos de Asociación

As entidades veciñais están en continua evolución e agora camiñan cara a unha nova forma de entender a participación da cidadanía no desenvolvemento da cidade.

Facer barrio

• Crear conciencia de barrio.
• Facilitar o encontro e a comunicación entre a veciñanza.
• Potenciar a colaboración entre os colectivos do barrio.

Mellora da calidade de vida

• Aproveitar ó máximo os espacios e infrastruturas para os veciños e tentar que as dotacións que poden axudarnos neste obxectivo aumenten.

Participación veciñal

• Conseguir que os veciños do barrio participen. Motivar a actividade asociacionista.
• Tramitar xestións administrativas.
• Asesorar a veciñanza en trámites (comunidades de propiedade horizontal, subvencións, reclamacións, solicitudes ”¦)

Traballar o local para mellorar o global

• Canalizar as relacións do barrio co concello.
• Organizar e realizar actividades para o barrio.
• Dinamización do barrio.

Sensibilización da veciñanza naqueles temas de interese común

Apoio a proxectos que beneficien á veciñanza

Misión da AVV Emilio Crespo de Navia.

• Atención aos veciños/as nos temas/problemas/inquedanzas de todo tipo que entren no ámbito de actuación desta Asociación Veciñal.
• Canalización das queixas/problemas/melloras/peticións diante das Administracións Públicas, (ou doutro tipo de entidades), que entren no ámbito de actuación desta Asociación.
• As que indican os Estatutos.

Finalidade da Asociación Veciñal de Navia "Emilio Crespo".

Creada neste barrio de Vigo en 1978, ten os seguintes fins, (tal e como se indica no Artigo nº 3 dos seus Estatutos):

1. A reivindicación constante dunha maior participación cidadá nas cuestións públicas.
2. A loita contra a especulación do solo.
3. A mellora da calidade de vida e a esixencia dunha maior participación das veciñas/os en tódalas decisións que lles afecten.
4. A coordinación solidaria de tódolos veciños/as en defensa dos fins desta Asociación.
5. A defensa dos dereitos de tódalas persoas, especialmente as marxinadas e explotadas, na procura de que o noso barrio e cidade teña lugares de lecer, educación, cultura, reunión e convivencia.
6. A busca da unidade de tódolos veciños/as do barrio.
7. A defensa do idioma galego, que será empregado preferiblemente pola Asociación.
8. A defensa da calidade de vida das veciñas/os en tódolos seus aspectos (alimentos, auga, aire libre, escolas, vivendas, sanidade pública, urbanismo, cultura, etc.).